Göyçayda ağır qəza: “BMW” qarşısına çıxan “07”ni darmadağın etdi - VİDEO

Göyçay-Ucar yolunda nəqliyyat vasitələrinin toqquşmasıyla nəticələnən qəza baş verib.
Avtosfer.az-ın məlumatına əsasən, yol-nəqliyyat hadisəsi avqustun 23-də səhər saatlarında Göyçayın Mallı Şıxlı kəndinin girəcəyində cərəyan edib. Videodan göründüyü kimi, 10-MO-098 dövlət nömrə nişanlı, “VAZ-2107” markalı avtomobil, “BMW” markalı avtomobilə çırpılıb. Qəzaya səbəb “07” sürücüsünün avtomobili yüksək sürətlə idarə etməsi olub. Belə ki, sürət həddini aşan “07” qəflətən “BMW”nin qarşısına çıxıb. Nəticədə “07” aldığı zərbədən tamamilə yararsız hala düşüb. Həmçinin “BMW” də müəyyən dərəcədə zədələnib. 
Qeyd edək ki, “VAZ-2107”ni idarə edən şəxs ağır bədən xəsarətləriylə xəstəxanaya yerləşdirilib.

Nərmin