Göyçayda ağır qəza : Sürücünün ayaqları sındı - VİDEO

Sürət həddini aşan sürücü qəflətən sükanı buraxaraq avtomobili yoldakı betona çırpıb.
Avtosfer.az xəbər verir ki, ağır yol-nəqliyyat hadisəsi dünən axşam saatlarında, Göyçay rayonunda baş verib. Yüksək sürətlə hərəkət edən 99-ME-398 dövlət nömrə nişanlı, “VAZ-2107” markalı avtomobil qəflətən idarəetməni itirib və maşını yolun ortasındakı dairəyə çırpıb. Nəticədə avtomobilin sol hissəsi tamamilə yararsız vəziyyətə düşüb, gənc sürücü isə ağır xəsarətlərlə Rayon Mərkəzi xəstəxanasına yerləşdirilib. Xəstəxanadan daxil olan məlumata əsasən, 21 yaşlı gəncin aldığı ciddi zərbədən ayaqları və qabırğaları sınıb, vəziyyəti isə hələlik orta dərəcədədir. 
Qeyd edək ki, hadisə yerinə cəlb olunan DYP əməkdaşları baş vermiş qəza hadisəsiylə bağlı araşdırma aparıb.

Nərmin