Göyçayda bir neçə dəqiqə ara ilə eyni küçədə 3 qəza baş verdi; xəsarət alanlar var – FOTO

Qəzalar 2 İyul 2020 20:07 Oxunub 1204
Göyçayda bir neçə dəqiqə ara ilə eyni küçədə 3 qəza baş verdi;  xəsarət alanlar var – FOTO
WhatsApp kanalımıza abunə ola bilərsiniz

Göyçay rayonunda xəsarətlə nəticələnən yol-nəqliyyat hadisələri baş verib. Bu gün saat 15:00 radələrində Göyçay şəhərinin Nizami küçəsində "Mercedes" və "Lada" markalı minik avtomobilləri toqquşub. Zərbənin təsirindən "Mercedes" yoldan çıxaraq hasara çırpılıb. Hadisə zamanı sərnişin, Qarayazı kənd sakini, 1961-ci il təvəllüdlü Mustafayeva Kainat Əzim qızı xəsarətlə Göyçay rayon Mərkəzi Xəstəxanasına yerləşdirilib.

Eyni vaxtda həmin küçədə "Mercedes" və "VAZ-2106" markalı minik avtomobilləri toqquşub. Xəsarət alan olmasa da avtomobillərə ciddi ziyan dəyib.

Bir neçə dəqiqə sonra həmin yerdə "VAZ-2109" markalı minik avtomobili yolu keçən piyada, Göyçay şəhər sakini, 1987-ci il təvəllüdlü Əlimərdanova Günay Rəcəb qızını vurub. Yaralı Göyçay rayon Mərkəzi Xəstəxanasına yerləşdirilib.

Hər üç faktla bağlı Göyçay rayon Polis Şöbəsi tərəfindən araşdırma aparılır. (APA)

 

 

ŞƏRH YAZ
Ad

E-mail

Şərh