Göyçayda qəza: 3 nəfər xəsarət alıb

Avtosfer.az apa-ya istinadən xəbər verir ki, hadisə Bakı-Şamaxı-Yevlax avtomobil yolunun Göyçay şəhəri ərazisindən keçən hissəsində qeydə alınıb. 23-BE-356 dövlət nömrə nişanlı, “VAZ 21011” markalı minik maşını qarşı tərəfdən gələn H023405 nömrə nişanlı, “Mitsubishi” markalı maşınla toqquşub. Hadisə zamanı Göyçayın Şəhadət kənd sakini 1997-ci il təvəllüdlü Hüseynli Ramin Vüqar oğlu, Potu kənd sakinləri 1998-ci il təvəllüdlü Yusifzadə Orxan İlham oğlu və 1995-ci il təvəllüdlü Əliyev Cəlal Elşən oğlu müxtəlif dərəcəli bədən xəsarətləri ilə Göyçay Mərkəzi rayon Xəstəxanasına yerləşdiriliblər.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.