Göygöldə avtomobil 2 qadını vurub, biri ölüb

Göygöl rayonunda piyadaların vurulması ilə nəticələnən yol nəqliyyat hadisəsi baş verib.

Avtosfer.az-ın xəbərinə görə, rayonun Balçılı kəndi ərazisində kənd sakini E.Zərgərov idarə etdiyi “VAZ-2107” markalı avtomobillə yolun kənarında dayanmış həmkəndliləri T. Hacıyevanı və T. Nəbiyevanı vurub. Nəticədə piyadalar xəsarət alaraq xəstəxanaya yerləşdirilib. T.Nəbiyeva xəstəxanada ölüb.

Hadisə yerinə DYP əməkdaşları cəlb olunub.

Faktla bağlı Göygöl rayon polis şöbəsində araşdırma aparılır.

APA