Göygöldə yol-nəqliyyat hadisəsi baş verib.

APA-nın məlumatına görə, hadisə Gəncə-Daşkəsən avtomobil yolunun Göygöl ərazisindən keçən hissədə qeydə alınıb.

Hadisə zamanı "VAZ 2131" ("NIVA") və "VAZ 2106" markalı minik maşını toqquşub. Nəticədə iki nəfər - 1982-ci il təvəllüdlü Elmir Zeynalov və daha bir nəfər xəsarət alaraq xəstəxanaya yerləşdirilib.

Hadisə yerinə DYP əməkdaşları cəlb olunub. Faktla bağlı araşdırma aparılır.