Göygöldə piyadanı avtomobil vurdu

Göygöldə piyadanın vurulması ilə nəticələnən yol-nəqliyyat hadisəsi baş verib.

Avtosfer.az Lent.az-a istinadla xəbər verir ki, hadisə rayon ərazisində qeydə alınıb.

Belə ki, hərəkətdə olan VAZ markalı minik avtomobili yolu keçmək istəyən 2000-ci il təvəllüdlü N. Misirovu vurub.

Yaralı xəstəxanaya yerləşdirilib. Onun vəziyyətinin orta ağır olduğu bildirilir.

Faktla bağlı araşdırma aparılır.