Göygöldə qəza: 6 nəfər yaralanıb

Göygöldə iki avtomobil toqquşub. Hadisə dünən gecə saat 23:50-də rayon mərkəzində qeydə alınıb. Avtosfer.az xəbər verir ki, bu barədə Göygöl Rayon Polis Şöbəsindən anspress-ə verilən məlumata görə, Samux rayon sakini, 1992-ci il təvəllüdlü Abdulla Ziyad oğlu Abdullayevin idarə etdiyi “VAZ 2107” markalı avtomobil Nurlan Əmiraslanovun idarə etdiyi “LADA Priora” markalı avtomobil toqquşub.

Hadisə nəticəsində hər iki avtomobilin sürücüsü və avtomobillərdə olan sərnişinlər 1992-ci il təvəllüdlü Goranboy rayon sakini Elşad İlqar oğlu Hüseynov, Daşkəsən rayon sakini 1985-ci il təvəllüdlü Könül İlham qızı Mehdiyeva, Gəncə şəhər sakini 1955-ci il təvəllüdlü Vidadi Nəriman oğlu İmamquliyev və Gəncə şəhər sakini 1992-ci il təvəllüdlü Tural Teyyub oğlu Süleymanov müxtəlif bədən xəsarətləri ilə Gəncə şəhər Təcili Tibbi Yardım xəstəxanasına çatdırılıblar.

Gəncə şəhər Təcili Tibbi Yardım Xəstəxanasından verilən məlumata görə, xəsarət alanlardan A.Abdullayevin vəziyyəti ağırdır. Onun dalağı parçalandığı üçün hazırda əməliyyata alınıb. Digər yaralıların vəziyyəti isə orta ağırdır.

Faktla bağlı Göygöl rayon Polis Şöbəsində araşdırma aparılır.