Göygöldə Türkiyə vətəndaşı qəzada öldü - FOTO - VIDEO

Gəncə-Şəmkir avtomobil yolunun Göygöl rayonu ərazisindən keçən hissəsində ağır yol nəqliyyat qəzası baş verib. Avtosfer.az-ın APA-ya istinadən verdiyi məlumata görə, hadisə bu gün saat 13 radələrində qeydə alınıb. “Mercedes” və “Mitsubishi” maraklı avtomobillərin toqquşması nəticəsində bir nəfər Türkiyə vətəndaşı, 1969-cı il təvəllüdlü İsmayıl Aktaş ölüb, 3 nəfər, Şəmkir rayon Zəyəm kənd sakinləri, 34 yaşlı Anar Xəlilov, 23 yaşlı Ramin Allahverdiyev və 26 yaşlı Elvin Məmmədov ağır bədən xəsarətləri alaraq Gəncə şəhər Təcili Tibbi Yardım xəstəxanasına yerləşdiriliblər. Onların vəziyyətlərinin kafi olduğu bildirilir.

Faktla bağlı Göygöl rayon Polis Şöbəsində araşdırma aparılır.