Güclü külək ağacı “VAZ-2106”nın üzərinə aşırdı - VİDEO

Son günlərdə güclü küləyin rayonlara gətirdiyi fəsadlar nəqliyyat vasitələrinə də təsirini göstərib. 
Avtosfer.az xəbər verir ki, sosial şəbəkələrdə maraqla qarşılanan qəza hadisəsi bir neçə gün əvvəl Ağdam rayonunun Qaradağlı kəndində qeydə alınıb. Həvəskarın lentə aldığı kadrlardan da aydın olduğu kimi 10-KG-340 dövlət nömrə nişanlı, “VAZ-2106” markalı maşın üzərinə düşən ağac səbəbindən yararsız vəziyyətə düşüb. Hadisə şahidlərinin məlumatına görə kənddə baş vermiş güclü külək nəhəng ağacı yerindən qopardaraq avtomobilin üzərinə aşırdıb. Maraq doğuran məqam isə üst hissəsi əzilərək tamamilə sıradan çıxan maşının hərəkət mexanizminin pozulmaması olub.
Qeyd edək ki, hadisə zamanı avtomobildə insan olmayıb. 

Nərmin