Gürcüstanda qatar aşdı: bir azərbaycanlı öldü, 3 nəfər xəsarət aldı

Mayın 26-da Gürcüstanın Tsalka rayonunda bərpa işləri zamanı texniki qatar relsdən çıxıb, hadisə zamanı bir nəfər ölüb, daha üç nəfər xəsarət alıb.

Bu barədə Report yerli mətbuata istinadən xəbər verir.

“Gürcüstan Dəmir Yolları” bildirib ki, bərpa işlərini həyata keçirən Azərbaycan şirkətidir, ölən və yaralananlar da bu ölkənin vətəndaşlarıdır.

Hadisə ilə əlaqədar Gürcüstanın Daxili İşlər Nazirliyində Cinayət Məcəlləsinin 275-ci maddəsi ilə cinayət işi başlanıb.