Hacıqabulda qəza: Yeşiklərlə dolu pomidorlar yola səpələndi - VİDEO

Yuxulu halda sükan arxasına əyləşən sürücü yük maşınını aşırıb. 
Avtosfer.az xəbər verir ki, sosial şəbəkələrdə səs-küy yaradan qəza Hacıqabul rayonunda qeydə alınıb. Həvəskar kamerasına düşən görüntülərdən aydın olduğu kimi, “Qaz 33” markalı yük avtomobili aşıb. Hadisə şahidlərinin məlumatına görə hadisənin baş verməsinə səbəb sürücünün yuxulu halda sükanı idarə etməsi olub. Belə ki, idarəetməni itirən sürücü “Qazel”i yoldan çıxararaq aşırıb. Nəticədə onun qoşqusuna yığılmış pomidorlarla dolu yeşiklər yola dağılıb. Sürücü yüngül xəsarətlərlə qəzanın eşiyindən dönməyi bacarıb. 
Qeyd edək ki, hadisə yerinə cəlb olunan yol əməkdaşları zərərçəkmiş sürücüyə yardım göstərib. 

Nərmin