Hacıqabulda yol qəzası: ağır yaralı var

Hacıqabulda baş verən avtoqəzada sürücü ağır yaralanıb. Hacıqabul polis şöbəsindən APA-ya verilən məlumata görə, axşam saatlarında Hacıqabul-Şirvan magistralının 2-ci kilometrliyində ağır avtoqəza baş verib. Şirvan sakini H.Əliyev küçəsi 1, mənzil 46 ünvanında yaşayan 1977-ci il təvəllüdlü Abbasov Aqil Adil oğlu idarə etdiyi “Lada Qranda” markalı 90 VG 954  dövlət nömrə nişanlı avtomobili idarə edərkən idaretməni itirib və avtomobili yolun kənarındakı elektrik dirəyinə çırpıb. Nəticədə sürücü ağır kəllə-beyin travması ilə Şirvan şəhər xəstəxanasının reanimasiya şöbəsinə yerləşdirilib. Həkimlər onun vəziyyətini ağır qiymətləndirir.

Faktla bağlı Hacıqabul polis şöbəsində araşdırma aparılır.