Hacıqabulda yol qəzası olub, xəsarət alanlar var

Hacıqabul rayonunda baş verən ağır yol qəzasında iki nəfər xəsarət alıb.

Avtosfer.az-ın məlumatına görə, hadisə rayonun Nəvahı kəndi ərazisində qeydə alınıb.

Belə ki, “Mercedes” markalı avtomobil hərəkətdə olan digər avtomobillə toqquşub.

Qəza nəticəsində Bakı şəhər sakinləri, 1985-ci il təvəllüdlü Babayev Rüfət Əlisurət oğlu və 1997-ci il təvəllüdlü Kazımov Ramil Azər oğlu müxtəlif dərəcəli xəsarətlər alıblar.

Yaralılar Şirvan Şəhər Mərkəzi Xəstəxanasına yerləşdiriliblər.

Faktla bağlı araşdırma aparılır.

Report