Hərbçiləri daşıyan avtomobil qəzaya uğrayıb, yeddi nəfər yaralanıb

Ermənistanda Müdafiə Nazirliyinə məxsus "UAZ" markalı avtomobil qəzaya uğrayıb. Avtosfer.az xəbər verir ki, bu barədə "Report" məlumat yayıb. Məlumata görə, qəza Mehri-Sisian avtomobil yolunda baş verib. Hadisə nəticəsində altı hərbi qulluqçu və bir tibb bacısı xəsarət alıb. Hərbi qulluqçulardan birinin vəziyyəti ağırdır. Təfərrüatlar açıqlanmır. Qəzanın başvermə səbəbi məlum deyil.