Hindistanda hərbi təyyarə qəzaya uğrayıb, ölənlər var

Hindistan Hərbi Hava Qüvvələrinə məxsus MiQ-21 tipli döyüş təyyarəsi Racastan ştatında qəzaya uğrayıb.

Bu barədə Avtosfer.az “Report”a istinadən xəbər verir.

Məlumata görə, hadisə yerli vaxtla saat 21.00 radələrində Bhimra kəndi yaxınlığında qeydə alınıb. Qəza zamanı 2 pilot həlak olub.

Qeyd edilir ki, təyyarə təlim uçuşu zamanı qəzaya uğrayıb. Təyyarə qəzadan sonra yanmağa başlayıb.

Təyyarənin hansı səbəbdən qəzaya uğradığı hələ məlum deyil. Hadisə ilə bağlı araşdırma aparılır.