Hövsan yolunda "BMW" "Mitsubishi"yə çırpıldı: ölən və xəsarət alan var

Bakının Suraxanı rayonunda ağır yol-nəqliyyat hadisəsi olub.

Qəza Hövsan yolunda qeydə alınıb. İdarəetməni itirən "BMW" markalı avtomobilin sürücüsü minik vasitəsini "Mitsubishi" markalı avtomobilə çırpıb. Qəza nəticəsində "BMW" markalı avtomobildə olan qadın sərnişin həyatını itirib. Minik avtomobilinin sürücüsü isə ağır vəziyyətə təcili yardım avtomobili ilə xəstəxanaya aparılıb.

Əraziyə polis əməkdaşları cəlb edilib. Hadisənin təfərrüatı araşdırılır. (apa)