Hövsanda “Mercedes” 132 nömrəli avtobusa çırpıldı - VİDEO

Hövsan yolunda avtomobillə avtobus toqquşub.
Avtosfer.az xəbər verir ki, qəza 23 iyul tarixində səhər saatlarında qeydə alınıb. Görüntüdən bəlli olduğu kimi, “Mercedes” markalı avtomobil, 132 nömrəli marşrut xətti üzrə hərəkət edən 10-TF-991 dövlət nömrə nişanlı, “Daewoo” markalı avtobusa çırpılıb. Qəzanın baş verməsinə səbəb yüksək sürət və ara məsafəsinin düzgün təyin edilməməsi iddia olunub. Qəza nəticəsində “Mercedes” yararsız vəziyyətə düşüb, avtobusun arxa tərəfi zədələnib. Sürücü və sərnişinlər arasında ölüm halı yoxdur.
Qeyd edək ki, son zamanlarda Hövsan yolunda qəza sayı artıb, hətta bir gündə 3 yol-nəqliyyat hadisəsi müşahidə olunub.

Nərmin