Hövsanda qəzaya düşən “VAZ” alışdı - Vətəndaşlar dərhal yardım göstərdi - VİDEO

Paytaxtın Suraxanı rayonu Hövsan qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 5-də səhər saatlarında Elçin Məmmədov küçəsində qeydə alınıb. Belə ki, hərəkətdə olan 10-XA-510 dövlət nömrə nişanlı “VAZ-2106” markalı maşın “KIA” markalı avtomobillə toqquşub. Şahidlərin iddiasına əsasən, qəzaya səbəb “VAZ” sürücüsünün sürət həddini aşması olub. Nəticədə idarəetmədən çıxan maşın qarşı tərəfdən gələn “KIA”ya çırpılaraq yanmağa başlayıb. Hadisə zamanı sürücülər arasında xəsarət alan olmayıb. Alovlanan “VAZ” yaxınlıqdakı vətəndaşların köməyi ilə zərərsizləşdirilib.

Qeyd edək ki, faktla bağlı araşdırma aparılır.  

Nərmin