İki avtomobil toqquşdu: Xəsarət alan var

Ağdaş şəhərindən Ləki qəsəbəsinə aparan avtomagistralda yol qəza hadisəsi qeydə alınıb.

Avtosfer.az eltv-yə istinadən xəbər verir ki, şahidlərin sözlərinə görə qəzaya səbəb "Niva" markalı avtomaşının dönmə əməliyyatını düzgün yerinə yetirməməsidir. Belə ki, Ağdaş şəhəri istiqamətində hərəkətdə olan "Niva" rayonun Nehrəxəlil kəndinə dönmək istəyərkən Ləki istiqamətində hərəkətdə olan "Mersedes"in yoluna çıxıb.

"Mercedes"in sürücüsü Eldar Mirələm oğlu Rəsulov "Niva" ilə toqquşmamaq üçün idarə etdiyi avtomobili hərəkət zolağının əks tərəfinə keçirib. Nəticədə isə onun idarə etdiyi avtomobil Ağdaş şəhəri istiqamətidə hərəkətdə olan digər bir "Mercedes"lə toqquşub. Avtomobillərə ciddi zərər dəysə də, şahidlərin sözlərinə görə, sürücülərdən yalnız biri - Eldar Rəsulov yüngül bədən xəsarəti alıb.