İki maşın toqquşdu; sürücü yaralandı

Goranboyun Dəliməmmədli şəhərində yol qəzası baş verib. Avtosfer.az Kəpəz TV-yə istinadən xəbər verir ki, “Mercedes” markalı avtomobil öndə olan Samux rayonu Qarayeri qəsəbə sakini, 40 yaşlı Siyavuş Əliyevin idarə etdiyi “NAZ Lifan” markalı maşına çırpılıb. Hadisə nəticəsində “NAZ Lifan”ın sürücüsü yüngül bədən xəsarətləri alıb.  Yaralı dərhal Gəncə şəhər TTYX-na çatdırılıb. Zərərçəkənə müvafiq tibbi yardım göstərilib, daha sonra o, ambulator müalicə üçün evə buraxılıb. 

Faktla bağlı araşdırma aparılır.