İki nəfəri maşınla vuraraq öldürdü, qaçdı - FOTO

Şirvanda 2 piyadanın ölümü ilə nəticələnən yol qəzası baş verib. Avtosfer.az-ın APA-ya istinadən məlumatına görə, axşam saatlarında Şirvan şəhərində, Heydər Əliyev prospektində «VAZ 21011» markalı, 24 BC 833 nömrəli avtomobil 2 piyadanı vurub. Hadisə nəticəsində müxtəlif bədən xəsarətləri alan Şirvan sakini, 2004-cü il təvəllüdlü Dədəyev Rövşən Zaur oğlu və 1964-cü il təvəllüdlü Türkiyə vətəndaşı Abdulla Əkər xəstəxanaya çatdırılarkən yolda ölüblər. Sürücünün hadisə yerindən qaçdığı bildirilir. Hazırda onun tutulması üçün əməliyyat-axtarış tədbirləri həyata keçirilir.

***

Şirvan şəhərində hüquq mühafizə orqanları tərəfindən həyata keçirilmiş istintaq və əməliyyat-axtarış tədbirləri nəticəsində yol hərəkəti və nəqliyyat vasitələrinin istismarı qaydalarını kobud şəkildə pozmaqla 2 piyadanın ölümünə səbəb olan və hadisə yerindən qaçan sürücü Qayıbalıyev Nazir Lazım müəyyən edilərək məsuliyyətə cəlb olunub.