İki piyada tanınmaz hala düşdü - Abşeronda faciə

Abşeron rayonu, Goradil kəndi ərazisində bədbəxt hadisə baş verib. Avtosfer.az  aznews.az-a istinadən xəbər verir ki, kənd ərazisindəki "Yelkən" restoranından çıxan iki şəxs sürətlə hərəkət edən "Mitsibushi" markalı avtomobillə vurulub. Vurulan şəxslərin birinin ağır yaralandığı, digərinin isə öldüyü bildirilib. Məlumata görə, hər iki şəxs tanınmaz hala düşüb. Qəza baş verməsindən bir saatdan artıq vaxt keçsə də, hadisə yerinə nə təcili yardım, nə də polis gəlib. Sürücü avtomobili qoyaraq ərazidən qaçıb.