İki qəzada iki nəfər yaralandı
Qəzalar
4 Noyabr 2015 11:51
Oxunub 1206
Hər iki qəzanın səbəbləri Şəmkir Rayon Polis Şöbəsində araşdırılır
Şəmkirdə baş verən 2 yol qəzasında 2 nəfər xəsarət alıb. Avtosfer.az kəpəztv-yə istinadən xəbər verir ki, ötən gün axşam saat 20 radələrində Şəmkir sakini, 26 yaşlı Rəşad Namazov idarə etdiyi "VAZ 2106" markalı avtomobillə hərəkətdə olarkən "Niva" markalı maşınla toqquşub. Nəticədə "Niva"nın sürücüsü qəzadan xəsarətsiz ötüşsə də, "VAZ"ın sürücüsü qarının qapalı küt travması diaqnozu ilə Şəmkir Mərkəzi Rayon Xəstəxanasına gətirilib. Vəziyyəti orta-ağırdır.
Daha bir yol qəzası isə saat 23 radələrində Çaparlı kəndi ərazisində baş verib. 23 yaşlı Fərid Əliyev idarə etdiyi "QAZ 3110" markalı maşınla hərəkətdə olarkən idarəetməni itirərək avtomobili yolun kənarına aşırıb. Nəticədə sürücü qapalı kəllə-beyin travması ilə xəstəxanaya çatdırılıb, vəziyyəti orta ağırdır.
Hər iki qəzanın səbəbləri Şəmkir Rayon Polis Şöbəsində araşdırılır.
ŞƏRH YAZ
DİGƏR XƏBƏRLƏR
