İki “VAZ” toqquşdu, sürücülərdən biri maşında sıxılı vəziyyətdə qaldı - VİDEO

Tovuz rayonu, İbrahimhacılı kəndində yol qəzası qeydə alınıb.

Avtosfer.az-ın məlumatına görə, hadisə iyunun 4-də günorta saatlarında baş verib. Belə ki, hərəkətdə olan “VAZ-2107” markalı avtomobil, 20-DH-546 dövlət nömrə nişanlı “VAZ-2106” markalı maşınla toqquşub. Qəzaya səbəb sürücülərdən birinin əks istiqamətli yola çıxması olub. Nəticədə bir-birinə çırpılan hər iki nəqliyyat vasitəsi yararsız hala düşüb. “VAZ-2106” markalı avtomobilin sürücüsü yaxınlıqda olan insanların köməyi ilə maşından çıxarılıb. Hadisə zamanı xəsarət alan olmayıb. 

Qeyd edək ki, faktla bağlı araşdırma aparılır.

Nərmin