İmişlidə geriyə manevr edən “Niva” “Mercedes”lə toqquşdu - VİDEO

İmişlidə baş verən yol-nəqliyyat hadisəsinin görüntüləri mağazanın təhlükəsizlik kamerası tərəfindən qeydə alınıb.

Avtosfer.az xəbər verir ki, hadisə fevralın 12-də Qaralar kəndində qeydə alınıb.

Kadrlarda “Niva” markalı minik avtomobilinin sürücüsünün geriyə manevr etmək istədiyi və bu zaman yüksək sürətlə hərəkət edən “Mercedes”lə toqquşduğu görülür.

Videoda həmçinin, zərbənin şiddətindən “Niva”nın bir neçə metr kənara uçaraq aşdığı da əks olunub.

Məlumata görə, hadisə nəticəsində 1 nəfər - Röyal Hüseynov xəsarət alıb. O, İmişli Rayon Mərkəzi Xəstəxanasına çatdırılıb və daha sonra Bakı şəhərindəki xəstəxanalardan birinə təxliyə olunub.

Namiq Musayev