BYD-nin üçüncü rüb mənfəətinin artımı gözləntilərdən zəif olub

Çinin elektromobil istehsalçısı BYD üçüncü rübdə mənfəətini illik müqayisədə 28 faiz artırıb, lakin nəticə analitiklərin proqnozlarından aşağı olub.

Avtosfer.az xəbəer verir ki, avtomobil istehsalçısı həm Çin daxilində, həm də xarici bazarlarda güclənən rəqabətlə üzləşir.

BYD-nin nəticələri elektrik və hibrid avtomobillər bazarında tələbatın artması ilə yanaşı, qiymət rəqabətinin şirkətlərin gəlirliliyinə təzyiq göstərdiyini nümayiş etdirir. İstehsalçılar satış həcmini qorumaq, yeni bazarlara çıxmaq və istehsal xərclərini idarə etmək arasında tarazlıq yaratmağa çalışırlar.