İki yük avtomobilinin toqquşduğu ərazidə hərəkət bərpa olundu - YENİLƏNİB

Nərimanov rayonunda, Ziya Bünyadov prospektinin Atatürk prospekti ilə kəsişməsində iki yük avtomobilinin toqquşması ilə yolda yaranan məhdudiyyət aradan qaldırılıb.

Avtosfer.az xəbər verir ki, bu barədə Nəqliyyatı İntellektual İdarəetmə Mərkəzi (NİİM) məlumat yayıb.

***23:17

Bakının Nərimanov rayonunda yük avtomobili qəza törədib.

Avtosfer.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.

Bildirilib ki, hadisə Ziya Bünyadov prospektinin Atatürk prospekti ilə kəsişməsində baş verib.

Qəza səbəbindən metronun “Koroğlu” stansiyası istiqamətində nəqliyyat vasitələrinin hərəkəti məhdudlaşdırılıb.

Hazırda yük avtomobilinin ərazidən kənarlaşdırılması və hərəkətin bərpası üçün polis tərəfindən zəruri tədbirlər görülür.