İsmayıllı yolunda qəza: Avtomobil dərəyə aşaraq üzü üstə çevrildi - VİDEO

Sürət həddinə məhəl qoymayan sürücü avtomobilini dərəyə salıb.
Avtosfer.az xəbər verir ki, qəza hadisəsi dünən günorta saatlarında İsmayıllı-Bakı yolunda qeydə alınıb. Görüntülərdən aydın olduğu kimi, “Kia Sorento” markalı avtomobil aşaraq dərəyə düşüb. Hadisə şahidlərinin məlumatına görə, yol-nəqliyyat hadisəsinin baş verməsinə səbəb sürücünün yüksək sürətlə avtomobili idarə etməsi olub. Nəticədə idarəetməni itirən şəxs yolun əks istiqamətinə keçərək avtomobilini tikinti zonasına aşırıb. Nəticədə üzü üstə çevrilən maşın yararsız hala düşüb. Xoşbəxtlikdən ölüm faktı qeydə alınmayıb. 
Qeyd edək ki, hadisə yerinə cəlb olunan DYP əməkdaşları qəzayla bağlı araşdırma aparıb.

Nərmin