İsmayıllıda “06” ilə toqquşan “09” telefon dirəyinə çırpıldı - VİDEO

Yüksək sürətlə hərəkət edən avtomobil qəzaya səbəb olub.
Avtosfer.az xəbər verir ki, yol-nəqliyyat hadisəsi bir neçə gün öncə İsmayıllı rayonunda qeydə alınıb. Görüntülərdən məlum olduğu kimi, 10-SV-279 dövlət nömrə nişanlı, “VAZ-2109” markalı maşın, 10-HB-713 dövlət nömrə nişanlı, “VAZ-2106” ilə toqquşub. Hadisə şahidlərinin məlumatına əsasən, qəzanın baş verməsinə səbəb yüksək sürət olub. Belə ki, sürət həddini aşan “09” idarəçisi qəfil sükanı buraxıb və “06” ya dəyərək telefon dirəyinə çırpılıb. Nəticədə hər iki nəqliyyat vasitəsi yararsız vəziyyətə düşüb. 
Qeyd edək ki, yaralılar arasında vəziyyəti ağır olanlar var.

Nərmin