İsmayıllıda ağac qoparaq avtomobilin üzərinə aşdı - VİDEO

Bir neçə gündür regionlarda əsən güclü külək nəqliyyat vasitələrinə də ziyan vurub. Avtosfer.az xəbər verir ki,  belə qəzalardan biri də İsmayıllı rayonunda qeydə alınıb. Hadisə şahidlərinin çəkdiyi görüntülərdən də məlumolur ki, güclü külək yol kənarındakı nəhəng ağacı kökündən qopararaq yaxınlıqda dayanmış 90-UU-385 dövlət nömrə nişanlı, “Opel” markalı avtomobilin üzərinə aşırıb.

Nəticədə maşının arxa hissəsi əzilərək tamamilə yararsız vəziyyətə düşüb. Xoşbəxtlikdən hadisə zamanı avtomobildə insan olmayıb. Qəza nəticəsində yolda avtomobillərin hərəkətində problem yaranıb.

Qeyd edək ki, hadisə yerinə gələn DYP əməkdaşları məsələylə bağlı araşdırma apararaq lazımi tədbirlər görüb.

Nərmin