İsmayıllıda avtobus məktəblini vurub öldürdü - YENİLƏNİB

İsmayıllıda məktəblini avtomobil vurub.

Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a bildirilib ki,  bu gün saat 18:20 radələrində İsmayıllı rayonunun Qaraqaya kəndi ərazisində Şahid İsgəndərov idarə etdiyi “İsuzu” markalı avtobusla yolu keçən piyada, 2010-cu il təvəllüdlü Qobustan rayon sakini Asəf Cəfərovu vurub.

Müxtəlif dərəcəli bədən xəsarətləri alan yeniyetmə hadisə yerində ölüb.

Faktla bağlı araşdırma aparılır.

***

İsmayıllıda məktəblini avtomobil vurub.

İlkin məlumatlara əsasən, hadisə rayonun Lahıc yolu istiqamətində baş verib.

Qobustan sakini 2010-cu il təvəllüdlü Cəfərov Asəf Valeh oğlu hadisə nəticəsində dünyasını dəyişib.

Məktəblinin ismayıllıda qonaq olduğu ehtimal olunur.

Fakt araşdırılır. (apa)