İsmayıllıda DƏHŞƏT: yük maşını 22 yaşlı oğlanın üstündən keçdi

İsmayıllı rayonunda bədbəxt hadisə baş verib.

Bu gün saat 15 radələrində rayonun Aşıqbayramlı kənd sakini Teymur Əlipaşa oğlu Mustafayev özünə məxsus QAZ-53 markalı yük avtomobilinə oğlu və qardaşı ilə birgə ot yığarkən maşını düz yerdə saxlamayıb. Sürücü yerdə olduğu halda avtomobil qəflətən çökək əraziyə tərəf hərəkət edib, ehtiyatsızlıq səbəbindən Teymur Mustafayevin 22 yaşlı oğlu Nicat Mustafayev yük avtomobilinin arxa təkərinin altında qalıb.

Ağır bədən xəsarətləri alan Nicat Mustafayev təcili olaraq İsmayıllı Rayon Mərkəzi Xəstəxanasına aparılıb.

Faktla bağlı araşdırma aparılır. (unikal)