“Kamaz”la toqquşan “BMW” yararsız hala , sürücüsü isə komaya düşdü - VİDEO

Sürəti sıxan sürücünün manevr “şou”su qəzayla nəticələnib.
Avtosfer.az xəbər verir ki, qəza hadisəsi dünən səhər saatlarında Hökməli-Qobu yolunda qeydə alınıb. Görüntüdən məlum olduğu kimi, “BMW” markalı avtomobil, 19-BD-778 dövlət nömrə nişanlı “KamAz” markalı yük maşınıyla toqquşub. Hadisə şahidlərinin məlumatına əsasən, yol-nəqliyyat hadisəsinin baş verməsinə səbəb “BMW” markalı avtomobilin ötmə əməliyyatına baş vurması olub. Yüksək sürətlə hərəkət edən “BMW” yol kənarında dayanan “KamAz”a dəyib. Nəticədə avtomobil yararsız vəziyyətə düşüb. Sürücü isə aldığı ağır xəsarətlərlə xəstəxanaya yerləşdirilib. Ölüm faktı yoxdur.
Qeyd edək ki, qəzayla bağlı DYP əməkdaşları hadisə yerinə cəlb olunub. Faktla bağlı araşdırma aparılır.

Nərmin