Kənd təsərrüfatı işçilərini daşıyan mikroavtobus TIR-la toqquşdu; 6 ölü, 12 yaralı - FOTO

Türkiyənin Konya şəhərində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 26-da Yunak rayonunda qeydə alınıb.

Məlumata görə, kənd təsərrüfatı işçilərini daşıyan 14 M 0891 nömrə nişanlı mikroavtobus, hələlik müəyyən olunmayan səbəblərdən 42 P 0171 nömrə nişanlı TIR-la toqquşub. Zərbənin təsirindən mikroavtobus  deformasiyaya uğrayıb, yük maşını isə aşıb.

Qəzan nəticəsində 6 nəfər ölüb, daha 12-si isə müxtəlif dərəcəli bədən xəsarətləri alıb.

Yaralılar hadisə yerinə cəlb olunan təcili tibbi yardım briqadalarının köməkliyi ilə ərazidə yerləşən xəstəxanalara çatdırılıblar.

Faktla bağlı araşdırmalara başlanılıb.

Namiq Musayev