Kişilər 3 qadını vurub qaçdılar - Azərbaycanda

Bakıda naməlum avtomobillər 2 qadını vurub. Avtosfer.az Daxili İşlər Nazirliyinin mətbuat xidmətinə istinadən xəbər verir ki, sentyabrın 17-də saat 19 radələrində paytaxtın Nəsimi rayonunun H.Əliyev küçəsində müəyyən edilməmiş avtomobillə yolu keçən Bakı şəhər sakini Səlvi Novruzova vurulub. Piyada xəstəxanaya yerləşdirilib.

Oxşar hadisə Yasamal rayonunun Xiyabani küçəsində də baş verib. Sentyabrın 18-də saat 11 radələrində Yasamal rayonunun Xiyabani küçəsində müəyyən edilməmiş avtomobillə yolu keçən Bakı şəhər sakini Məryam Zeynalova vurulub.

Daha bir hadisə sentyabrın 17-də saat 14 radələrində Gəncə şəhərində qeydə alınıb. Müəyyən edilməmiş avtomobillə yolu keçən şəhər sakini Mahirə Hüseynova vurulub. M.Hüseynovaya xəstəxanada ilkin tibbi yardım göstərildikdən sonra buraxılıb. Hər 3 faktla bağlı əməliyyat-axtarış tədbirləri aparılır.

Elmin