Kolumbiyada aviaqəza nəticəsində ölənlərin sayı 6-ya çatıb

Kolumbiyanın paytaxtı Boqota şəhərində kiçik mühərrikli təyyarənin çörək sexinin üzərinə düşməsi nəticəsində ölənlərin sayı altı nəfərə çatıb.

Avtosfer.az ria"novosti"yə istinadən xəbər verir ki, bu barədə yerli hakimiyyət orqanları məlumat verib. Əvvəl qəza zamanı 5 nəfərin öldüyü bildirilirdi. "Beechcraft-60" təyyarəsi "Vilya-Lus" rayonu ərazisində qəzaya uğramışdı. Qəza zamanı yanğın baş verib. Səhiyyə Nazirliyinin məlumatına görə, bədəninin 90 faiz hissəsi yanan yaralı qadın dünyasını dəyişib. Təyyarə bazar günü qəzaya uğrayıb və buna onun mühərrikində texniki nasazlıq səbəb olub.

Qəzada yanıq xəsarəti almış 4 böyük və bir uşağın vəziyyəti ağır qiymətləndirilir. Yaralıların ümumi sayı 15 nəfər idi.