Koroğluda su şirkətinə məxsus yük maşını aşdı - VİDEO

Yüksək sürətlə yük maşınını idarə edən sürücü qəza törədib.
Avtosfer.az-ın məlumatına əsasən, bədbəxt hadisə bir neçə gün öncə Koroğlu metrostansiyası yaxınlığında baş verib. Görüntülərdən aydın olduğu kimi, yük maşını böyrü üstə aşıb. Qəzanın baş verməsinə səbəb yüksək sürət həddi olub. Belə ki, sürəti artıran sürücü yolu dönərkən idarəetməni itirib və nəqliyyat vasitəsini aşırıb. Sürücü xəsarət almasa da, nəqliyyat vasitəsi müəyyən dərəcədə zədələnib. Həmçinin daşıdığı suyla dolu plastik qablar yola dağılıb. Hadisə yerinə gələn polis əməkdaşı və ətrafdakı insanların köməyi ilə nəqliyyat vasitəsi əvvəlki vəziyyətinə qayıdıb. 
Qeyd edək ki, qəzaya düşən yük maşını su şirkətinə məxsusdur.

Nərmin