Kürdəmirdə ağır qəza: “07” ilə toqquşan “Mercedes” dərəyə düşdü - VİDEO

Kürdəmirdə avtomobillərin toqquşmasıyla nəticələnən yol-nəqliyyat hadisəsi baş verib.
Avtosfer.az-ın məlumatına əsasən, ağır qəzası dünən axşam saatlarında qeydə alınıb. Belə ki, 50-DJ-605 dövlət nömrə nişanlı, “VAZ-2107” markalı avtomobil 99-NU-671 dövlət nömrə nişanlı, “Mercedes” markalı avtomobilə çırpılıb. Hadisə şahidlərinin sözlərinə görə, qəzaya səbəb yüksək sürət olub. Nəticədə “Mercedes” markalı avtomobil yoldan çıxaraq dərəyə düşüb. Həmçinin “07” də aldığı zərbənin təsirindən sıradan çıxıb. Ölüm faktı olmasa da, sürücü və sərnişinlər orta və ağır dərəcəli xəsarətlərlə xəstəxanaya yerləşdirilib. 

Nərmin