Kürdəmirdə "Ford" “KamAZ”la toqquşdu: iki nəfər öldü - FOTO - YENİLƏNİB

Bakı-Qazax avtomobil yolunda ağır qəza olub.

Avtosfer.az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, nazirliyin "112" qaynar telefon xəttinə Kürdəmir rayonu, Ərşəli kəndi yaxınlığında (Bakı-Qazax avtomobil yolunun 180-ci kilometrliyi) yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

"Məlumatla əlaqədar FHN-in Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “Ford” və “KamAZ” markalı iki yük avtomobili toqquşub, 2 nəfər avtomobildə sıxılmış vəziyyətdə qalıb.

Həyata keçirilən xilasetmə tədbirləri nəticəsində 2 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib", - deyə qeyd olunub.

***

Kürdəmir rayonunda ağır yol-nəqliyyat hadisəsi baş verib.

Hadisə Bakı-Qazax əsas magistral yolunun rayonun Muğanlı kəndindən keçən hissəsində qeydə alınıb.

Belə ki, içərisi meyvə ilə dolu olan “Ford” markalı furqonun sürücüsü Bakı istiqamətində hərəkətdə olarkən qarşısında hərəkət eden “KAMAZ” markalı yük maşınına çırpılıb.

Nəticədə furqonun sürücüsü və sərnişini olay yerində ölüblər. Həlak olanlar sürücü 21 yaşlı Qarayev Anar Seyfullah oğlu və 62 yaşlı Balakən rayon sakini Hacıyev Eldar Müslüm oğludur.

Avtomobildə sıxılmış vəziyyətdə qalan sürücü və sərnişinin meyiti FHN-in Xüsusi Riskli Xilasetmə Xidmətinin (XRXX) xilasediciləri tərəfindən çıxarılaraq aidiyyatı üzrə təhvil verilib.

Faktla bağlı araşdırma aparılır. (report)