Lənkəranda ağır qəza: ölən var - FOTO

Lənkəranda ölümlə nəticələnən ağır yol nəqliyyat hadisəsi baş verib. Hadisə gecə saatlarında Lənkəran şəhərinin mərkəzi H.Əliyev prospektində qeydə alınıb. 1981-ci il təvəllüdlü, Xaçmaz rayon sakini Məmmədli Ramin Qiyamməddin oğlunun idarə etdiyi “Opel Astra” markalı "99 HC 226" dövlət nömrə nişanlı avtomaşın idarəetməni itirərək əvvəlcə yolun kənarındakı bardürə, daha sonra ağaca çırpılaraq çevrilib. Zərbə nəticəsində sürücü maşından kənara düşüb. Nəqliyyat vasitəsinin ağaca çırıldıqdan sonra sürücünün üzərinə aşdığı bildirilir. Hadisə nəticəsində sürücü yerindəcə keçinib. Maşında olan sərnişin-Umudlu Razim Novruz oğlu isə ağır bədən xəsarətləri ilə Lənkəran rayon mərkəzi xəstəxanasına çatdırılıb. Hazırda onun vəziyyəti həkimlər tərəfindən ağır qiymətləndirilir. 

Hadisənin yüksək sürət səbəbindən baş verdiyi deyilir. Qəza nəticəsində dünyasını dəyişən və xəsarət alanın N saylı hissənin hərbçiləri olduğu deyilir. Qəzanın baş vermə səbəbləri ilə bağlı Lənkəran hərbi prokurorluğunda araşdırma aparılır.

anspress