Lənkəranda avtomobil işıq dirəyinə çırpılıb, ölən var

Lənkəranda ölümlə nəticələnən yol-nəqliyyat hadisəsi baş verib.

Fövqəladə Hallar Nazirliyindən (FHN) Avtosfer.az-a verilən məlumata görə, hadisə Kərgəlan kəndində qeydə alınıb.

Belə ki, "Mercedes" markalı minik avtomobili yol kənarındakı işıq dirəyinə çırpılıb.

Hadisə yerinə FHN-in Cənub Regional Mərkəzinin xilasetmə qüvvələri cəlb olunub.

Xilasedicilər sıxılı vəziyyətdə qalan sürücü 2000-ci il təvəllüdlü Rzayev Qadir Qəhrəman oğlunun meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər