Masallıda "Reno" “Yamaha”ya çırpılıdı; 1 ölü

Masallıda ölümlə nəticələn yol-nəqliyyat hadisəsi baş verib. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, iyulun 26-da saat 22 radələrində Masallı rayonunun Səmədxan kəndi ərazisində Lənkəran rayon sakini H.Kərimov idarə etdiyi “Renault” markalı avtomobillə qarşıda gedən Masallı şəhər sakini Rüstəm İmanovun idarə etdiyi “Yamaha” markalı motosikleti vurub. Nəticədə motosikletçi aldığı xəsarətlərdən hadisə yerində ölüb.

Baş Dövlət Yol Polisi İdarəsi tərəfindən araşdırma aparılır.

Namiq Musayev