Maştağa yolunda "ZiL" dərəyə aşdı - FOTO

Bakıda "ZİL" markalı yük maşını işıqforu aşırıb.

Hadisə bir neçə dəqiqə öncə Sabunçu rayonu, Maştağa qəsəbəsində qeydə alınıb.

Ölən və yaralananlar barədə məlumat yoxdur.

Məsələ ilə bağlı Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib ki, hadisəyə səbəb sürücünün idarəetməni itirməsi olub:

“Sürücü işıqforun qırmızı işığında dayana bilməyib. Sürücü nəqliyyat vasitəsini yol kənarındakı işıqfora çırpıb və yol kənarındakı dərəyə aşıb. Ölüm hadisəsi qeydə alınmayıb. Lakin işıqfor yararsız vəziyyətə düşüb. Faktla bağlı araşdırma aparılır”.

Qeyd edək ki, bir müddət öncə sözügedən Sabunçu rayonu Maştağa qəsəbəsinin yaxınlığında iki nəfərin ölümü ilə nəticələnən ağır yol-nəqliyyat hadisəsi baş verib. (oxu.az)