Meksikada avtobusun evə çırpılması nəticəsində 19 nəfər ölüb - FOTO

Meksikada ağır yol qəzası baş verib.

APA “Milenio” nəşrinə istinadən xəbər verir ki, hadisə Mexiko ştatında qeydə alınıb.

Hakisinqo rayonunda sərnişin avtobusunun yaşayış evinə çırpılması nəticəsində 19 nəfər ölüb, 30-a yaxın insan yaralanıb.

Hadisə yerinə 10 təcili yardım briqadası gəlib. Vəziyyəti ağır qiymətləndirilən bir neçə yaralı iki helikopterlə xəstəxanalara aparılıb.

İlkin məlumata görə, qəzaya səbəb avtobusun əyləc sistemindəki nasazlıq olub.