Məmur və biznesmen övladlarının olduğu avtomobil qəzaya düşdü: 5 nəfər...

Moskvada vəzifəli məmurların və iş adamlarının övladlarının olduğu BMV markalı avtomobil qəzaya uğrayıb.

Avtosfer.az axar.az-a istinadən bildirir ki, bu barədə Rusiya Teleqram kanalları məlumat yayıb.

Məlumata görə, BMV markalı avtomobil bu gün səhər saatlarında Petrovo-Dalneye kəndi yaxınlığında aşıb.

Yaralılar Rusiya İstintaq Komitəsinin sədrinin birinci müavini Eduard Kaburneyevin oğlu Lavr Kaburneyev, Uzaq Şərqin İnkişaf naziri Aleksey Çekunkovun qızı Alina Çekunkova, Baş Prokurorluğun Kadrlar Baş İdarəsinin rəisi Valeri Voinovun qızı Daria Voinova, "Doctor Martin" klinika şəbəkəsinin yaradıcısı Martiros Sərkisyanın oğlu Andrey Sərkisyan və özbək əsilli oliqarx İsgəndər Mahmudovun qızı Anastasiya Mahmudovadır.

Yaralıların hamısına kəllə-beyin travması və beyin silkələnməsi diaqnozu qoyulub.