"Mercedes" və "Peugeot" avtomobilləri yandı

Sabirabad rayonu, Qaragüney kəndində yük avtomobilində yanğın baş verib. Avtosfer.az-ın FHN-nin saytına istinadən verdiyi məlumata görə, kənddə vətəndaşa məxsus "Mercedes" markalı yük avtomobilinin qoşqusunun 6 ədəd təkəri yanıb. Yük avtomobili və qoşqunun qalan hissəsi yanğından mühafizə olunub. Digər avtomobildə yanğın hadisəsi isə Xaçmaz rayonunda qeydə alınıb. Rayonun Xudat şəhərində vətəndaşa məxsus "Peugeot" markalı minik avtomobilinin yanar hissələri yanıb. Yaxınlıqdakı tikililər yanğından mühafizə olunub. Yanğınsöndürənlər tərəfindən hər iki yanğının qarşısı alınıb.

Fidan