"Mercedes" yandı

Ağdaşda “Mercedes” markalı minik avtomobili yanıb. Avtosfer.az xəbər verir ki, bu barədə Fövqaladə Hallar Nazirliyindən (FHN) anspress-ə verilən məlumata görə, hadisə rayonun mərkəzindən 3 km aralı yerləşən Şordəhnə kəndində qeydə alınıb.

Belə ki, minik avtomobilinin mühərrik hissəsində elektrik avadanlıqları yanıb. Avtomobilin qalan hissəsi yanğından mühafizə olunub. 

Bir müddət əvvəl də Bakıda 3 avtomobilin yanması ilə nəticələnən hadisə baş vermişdi. Hər üç hadisə də paytaxtın Suraxanı rayonunda qeydə alınmışdı. 

İlk yanğın hadisəsi zamanı vətəndaşa məxsus "Mercedes" markalı minik avtomobilinin salonunun yanar hissələri, növbəti yanğın zamanı Suraxanı rayonunda vətəndaşa məxsus "Hyundai" markalı minik maşını, üçüncü hadisə vaxtı isə vətəndaşa məxsus "PRADO" markalı minik avtomobilinin mühərrik hissəsi yanmışdı.

Hər üç yanğının qarşısı, FHN əməkdaşları tərəfindən alınıb.