«Mercedes»lə «Kamaz» toqquşdu, ölən var

Göyçayda ölümlə nəticələnən daha bir yol qəzası baş verib. Avtosfer.az-ın APA-ya istinadən məlumatına görə, hadisə dünən saat 23 radələrində Göyçayın Bığır kəndi ərazisində qeydə alınıb. Göyçay sakini, 1967-ci il təvəllüdlü Novruz Əhmədovun idarə etdiyi «Mercedes» markalı, 99-GJ 253 dövlət nömrəli nişanlı minik avtomobili qarşıdan gələn, İsmayıllı rayon sakini 1994-cü il təvəllüdlü Natiq Məlikovun idarə etdiyi «Kamaz» markalı, 90 JG 229 dövlət nömrəli nişanlı yük avtomobili ilə toqquşub. Hadisə zamanı minik avtomobilinin sürücüsü hadisə yerində dünyasını dəyişib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.