Mikroavtobus yük maşını ilə toqquşdu: 13 ölü

Qazaxıstanda mikroavtobusun yük maşını ilə toqquşması nəticəsində ölənlərin sayı 13-ə çatıb.

Avtosfer.az "ria novosti"yə istinadən verdiyi məlumata görə, bunu Şımkənd şəhərinin təcili yardım xəstəxanasının baş həkimi Madi Biqəliyev deyib.

O bildirib ki, hadisə yerində 9 nəfər ölüb, 12 nəfər isə xəstəxanaya çatdırılıb. Həkimlərin səylərinə baxmayaraq, xəstəxanaya gətirilən yaralılardan 4 nəfərin həyatını xilas etmək mümkün olmayıb. İki nəfərin durumu isə ağır kimi qiymətləndirilir.